el-ar-ti

Wala ng paliguy-liguy pa. Diretsong usapan.

Tataas daw ang bayad sa LRT. At yung totoo, hindi ko maintindihan kung bakit tataas ang bayad. Basta ang alam ko lang, tataas ito.

Estudyante pa lang ako, pinag aaral at pinagkakasya ko lang ang baon ko. Tapos itataas pa ang bayad sa LRT. Diba, kaya nga mayroong LRT ay para sa tao. Para sa convenience at sa ika-titipid ng mga pasahero. Tapos magtataas kayo?

Magtataas kayo, pero hindi naman maayos ang serbisyo niyo. Matagal dumating ang next train, mas matagal pa pag akyat at baba ko sa platform. Mahaba ang pila sa bilihan ng ticket. Madaming ticket machine, hindi naman gumagana lahat. Ang arte pa sa pagpili ng coins na tinatanggap, daig pa tao. Kung magtataas ang bayad sa LRT, madaming mapipilitan mag-commute gamit ang mga bus o dyip. Isa na ako dun.

Sana, wag na itaas ang bayad. Kung kaya naman solusyunan kung anung problema nyo, gawin nyo. Maraming tao ang mahihirapan lalo na ang mga estudyante na pasehero nito. At sana, maging maayos na ang serbisyo niyo para sa mga paseherong tulad ko.